British Desi's life

  ڈنکی – اچھا خیال لیکن وہی احمقانہ انڈین نظریات   بہت انتظار کے بعد ڈنکی فلم ریلیز ہو گئی۔ راج کمار ہیرانی کے پرستار بہت عرصے سے اس فلم کا انتظار کر رہے تھے۔ میری اس فلم کے انتظار کی دو وجوہات تھیں، راج کمار ہیرانی کی ڈائریکشن اور فلم کا غیر روایتی موضوع۔ یہاں شاہ رخ خان کا نام نہ لینے پر ان کے پرستار ناراض ہو جائیں گے لیکن ان کی باکس آفس پر کامیاب ترین مگر احمقانہ فلموں پٹھان اور جوان نے کم از کم میرے لئے خان کے جادو کو زائل کر دیا۔ ویسے تو شاہ رخ خان اور راج کمار ہیرانی کی جوڑی سے سب کو ایک شاہ کار کی امیدیں تھیں۔ لیکن بڑی توقعات اکثر بڑی ناکامیوں پر ہی منتج ہوتی ہیں۔   اس فلم کا موضوع بہت اچھا ہے۔ مجموعی طور پر فلم کی کہانی بھی اچھی ہے۔ فلم کے پہلے حصے میں ہنستے کھیلتے جس طرح فلم کی کہانی بُنی گئی ہے وہ بہت دلکش ہے۔ فلم کے پہلے حصے کا اختتام ایک خود کشی پر ہوتا ہے جس میں ہدایت کار اور اداکار کی پرفارمنس عروج پر ہے۔ لیکن خود کشی کے فوراً بعد ساتھی کرداروں کی تقریریں اور سچویشن سراسر اوور ایکٹنگ کے زمرے میں آتی ہیں۔ فلم کا دوسرا حصہ اگرچہ نسبتاً بوجھل ہے لیکن ...

کیا پورے پاکستان  میں ایک ہی دن عید منانا ضروری ہے؟ عید کی آمد آمد   ہے۔   پاکستانی مسلمان ایک طرف خوشی سے   سرشار ہیں کہ اللہ تعالیٰ نے عبادت کے جذبے کے ساتھ رمضان گزارنے کا موقع عطا فرمایا۔ اور انعام کے طور پر عید کی آمد کی نوِید ہے۔ لیکن دوسری طرف ایک خدشہ بھی لگا ہے کہ کیا اس بار بھی عید پر وہی تماشا ہو گا جو پچھلے کئی برسوں سے جاری ہے؟ کیا اس سال بھی وطنِ عزیز   میں   لوگ اس   خوشی کے موقع پر منقسم ہوں گے؟ کیا اس سال بھی ملک میں دو الگ الگ دنوں میں عید منائی جائے گی؟ لیکن اس سے بھی اہم سوال   یہ   ہے کہ کیا پورے ملک میں ایک ہی دن عید منانا ضروری ہے؟   شمسی اور قمری تقویم اصل مسئلے   پر بات کرنے سے پہلے کچھ ’بونس‘ معلومات   پیش خدمت   ہیں۔  دنیا میں دو طرح کی تقویم ( calendar ) رائج ہیں قمری اور شمسی ۔   قمری تقویم چاند   کے گھٹنے اور بڑھنے پر   مہینوں کا حساب کرتی ہے۔ یہ دنیا   کی قدیم ترین   تقویم سمجھی جاتی ہے۔   اس کے قدیم ترین شواہد   شہر روم کے قریب البان پہاڑی ...

  نواز شریف حکومتوں کے کچھ اچھے کام 5 فروری 2023 آج کے دور میں نواز شریف   کے بارے میں کوئی مثبت   بات کہنا بھڑوں کے چھتے میں ہاتھ ڈالنے کے مترادف ہے۔ لیکن جب ہر طرف سے ایک ہی طرح کی آوازیں آ رہی ہوں تو کسی کو تو تصویر کا دوسرا رخ بھی دکھانا چاہئے۔ نواز شریف کو ئی دودھ سے دھلے نہیں۔ لیکن ان کے بارے میں متوازن رائے صرف اس ہی وقت قائم ہو سکتی ہے جب   ان کی موافقت اور مخالفت میں کی جانے والی باتیں سن کر فیصلہ کیا جائے۔   1990 ؁میں نواز شریف   کے پہلے دورِ حکومت میں عراق   نے کویت پر   قبضہ کر لیا۔   جواباً امریکہ   اور اتحادیوں نے کویت اور سعودی عرب کی حفاظت کے نام پر عراق پر چڑھائی   کر دی۔ اس وقت پاکستان میں نہایت جذباتی فضا بنی ہوئی تھی۔   عوام کی اکثریت عراق کی حمایت کر رہی تھی اور چاہتی تھی کہ پاکستان بھی عراق کے   شانہ بشانہ غیر ملکی افواج سے   مقابلہ کرے۔ وہ انٹرنیٹ اور موبائل فون کا دور نہیں تھا بلکہ ریڈیو اور اخبارات   ہی   عوام کی رجحان سازی کیا کرتے تھے۔ اس زمانے کے   پاکستانی زبانوں کے...

  ایک نیا دبئی   تو پچیس سال میں بھی بن سکتا ہے لیکن نیا  وینس   بنانے  میں کم از کم ایک ہزار سال لگیں گے       یہ سفرنامہ کتابی صورت میں، تصویروں کے ساتھ  پڑھنے کے لئے گوگل ڈرائیو سے ڈاؤنلوڈ کیجئے   https://drive.google.com/file/d/1rCwesJipvXLMUCr4Bpja6XlitfMDNxO2/view?usp=share_link Download from here         فہرست شہر بر آب سودؔا جو تیرا حال ہے ایسا تو نہیں وہ سفر آغاز سے پہلے آب در آب مرے ساتھ سفر کرتے ہیں اک نگری سبز امنگوں کی  -  اک زندہ شہر خزینوں کا وینس کی نہرِ عظیم اک رستہ روشن زینوں کا راہبوں کا رستہ وینس کی پہچان نشان راہ ملے بھی یہاں تو کیسے ملے سان مارکو پیازا باسلیکا   ڈی  سان  مارکو سینٹ مارک باسلیکا  کے گھوڑے پلازو   ڈُکالے سِسکیوں کا پل سان مارکو کا گھنٹہ گھر فنکاروں کا پل دِلوں کے تالے ہر تمنائے سکون ساحل - الجھی الجھی رہی سیلابوں میں وینس کی شام خونِ غریباں وینس کے عروج کی داستان ہر کمال کو زوال ہے     ...